आज मी स्वतःशीच खूप भांडतो

आज   मी  स्वतःशीच  खूप  भांडतो .

हे  असेच  का.......  ते  तसेच  का  नाही ? 
हा  प्रश्न  मला  नेहमीच  सतावतो.
म्हणूनच   मी  स्वतःशीच  खूप  भांडतो........

आयुष्यात  दुखः आपले  साम्राज्य  वाढवीत   असताना,प्रत्येकाला  आनंदाचे खेळणे शोधताना पाहतो .
उद्याच्या  चिंतेत ......माझी  आजची  भूक  शमवताना ह्या  practical आयुष्यात  भावनेची  नाळ .... कुठेतरी  तुटतांना पाहतो
श्रीमंत  घरातली  मुले  बिघडलेली  असताना,झोपडीतल्या  मुलांना  सर्वांगाने मोठी होताना  पाहतो .
कधी  रक्ताच्या  थारोळ्यात  निष्पापतेचा  अंत ,तर  कधी  पैश्याचा  बाजार  बहरताना पाहतो .
एकीकडे  जीवन- मृत्युतले  अंतर  कमी  करणारे आम्ही….  आपापसातले   अंतर  वाढताना  पाहतो .
कुठेतरी  काहीतरी  चुकते  हे  जाणणाऱ्या  प्रत्येकाला,
......ह्या चुकीच्या  जगात कधी  निमुटपणे तर..कधी आनंदाने वावरतांना  पाहतो .

  म्हणूनच आज मी  स्वतःशीच  खूप  भांडतो........