फक्त  तुझ्यासाठी

तुझ्या  स्वागतासाठी ......   मी  हे  आकाश  विभाजीत  होतो

तुला  बघण्यासाठी   .........      मी तुझा चेहरा रवी- किरणांनी  उजाळीत होतो ,

तुला  हसवण्यासाठीच .....   मी  फुलांना  वाऱ्यावर खेळवीत  होतो .

तुला  बसण्यासाठी  .........       मी  ही धरती  पेलत  होतो .

तुझ्याशी  बोलतांना......     मी  आकाशाशी  नाते जोडत  होतो .

तू  जाताच ................     तो  सूर्यास्त  मला  नकोसा  होतो .

खरचं फक्त  तुझ्यासाठी ….       मी  उद्याची  वाट  बघत  होतो .........

तो बापड्या अन् ती माऊली

तो बापड्या अन् ती माऊली,

निर्मिली त्यांनी.......ती सावली

जरी भरउन्हात होती … त्यांची पाऊले करपली.

तरी जिवापाड जपली त्यांनी......ती सावली

अंधार रात्र ज्यांनी डोळ्यात जागवली ,

तेव्हा कुठे शांतपणे निजली....... ती सावली.

बेरीज-वजाबाकीत त्यांनी... आपली आयुष्य खपवली,

बाकी कमवली जीने........ती होती सावली.

सर्व संकटात ती सोबत लढली,

पण कायम हसवत खेळवली ........त्यांनी ती सावली.

जेव्हा जेव्हा .....मंदिरात त्यांच्या घंटा वाजली ,

तेव्हा तेव्हा .......दर्शनाला उभी असेल का हो ती सावली ?

जग-रहाटीत आज ती दोघं कुठेतरी हरवली.

------  गवसेल का हो, त्यांना त्यांची.......ती सावली.