तो बापड्या अन् ती माऊली

तो बापड्या अन् ती माऊली,

निर्मिली त्यांनी.......ती सावली

जरी भरउन्हात होती … त्यांची पाऊले करपली.

तरी जिवापाड जपली त्यांनी......ती सावली

अंधार रात्र ज्यांनी डोळ्यात जागवली ,

तेव्हा कुठे शांतपणे निजली....... ती सावली.

बेरीज-वजाबाकीत त्यांनी... आपली आयुष्य खपवली,

बाकी कमवली जीने........ती होती सावली.

सर्व संकटात ती सोबत लढली,

पण कायम हसवत खेळवली ........त्यांनी ती सावली.

जेव्हा जेव्हा .....मंदिरात त्यांच्या घंटा वाजली ,

तेव्हा तेव्हा .......दर्शनाला उभी असेल का हो ती सावली ?

जग-रहाटीत आज ती दोघं कुठेतरी हरवली.

------  गवसेल का हो, त्यांना त्यांची.......ती सावली.