आयुष्याची वाट .......

कोण  म्हणते  आयुष्याची  वाट  ही रस्त्यावरून  जाते ?
सांगा  ना ....कोण  म्हणते  आयुष्याची  वाट  ही  रस्त्यावरून  जाते ?

ही  वाट  कधी  त्या  अंधाऱ्या बोगद्यातून  जाते ,
सोबत  एक दिवा  असुद्या...... प्रकाश निर्मितीसाठी .

ही  वाट  कधी  त्या  जंगलातून जाते ,
सोबत   एक  हत्यार  असुद्या ... लढण्यासाठी .

ही  वाट  कधी  त्या  समुद्रातून  जाते ,
पोहण्याचा  सराव  चालू ठेवा... तो  श्वास   रोखण्यासाठी .

ही  वाट  कधी  त्या  आभाळातून  जाते ,
उडण्याची  कला  अंगी  बाळगत रहा...  त्या  उडत्या पक्ष्याला  लाजवण्यासाठी.

ही  वाट  कधी  त्या  स्मशानातून जाते ,
तुमचा  आत्मा  जिवंत  असावा .... त्या  मृत -लोकात  वावरण्यासाठी .

ही  वाट  कधी  त्या  वादळातून  जाते ,
तुमचे  मनोधैर्य  भक्कम  असुद्या ... त्याच्याशी  दोन  हाथ  करण्यासाठी.

ही  वाट  कधी  त्या  नरकातून जाते ,
थोडी  भूक  असुद्या...  स्वर्गातल्या  अन्नाने  तृप्त  होण्यासाठी .